परिषद्को केन्द्रीय समितिको झापाको विर्तामोडमा आज बसेको बैठकले सो समिति गठन गरेको हो । समितिको संयोजकमा परिषद्का महासचिव फागोहाङ वानेम तथा सदस्यद्वयमा जनक चेमजोङ र छवि सम्बाहाङ्फे रहनुभएको छ ।
साथै पर्यवेक्षकका रूपमा परिषद्का सचिव आकाश राई र केन्द्रीय सदस्य टेकबहादुर खेरसाङ्ग खजुमलाई चयन गरिएको छ । बैठकले चार दिनदेखि परिषद्दारा सञ्चालित बन्दलगायतका कार्यक्रम पनि हाललाई स्थगित गरेको परिषद्का केन्द्रीय सदस्य टेकबहादुर खेरसाङ्ग खजुमले बताउनुभयो ।
सङ्घीय लिम्बुवान राज्य परिषद् र खम्बुवान राष्ट्रिय मुक्तिमोर्चाले संयुक्त रूपमा साउन २२ देखि यातायात बन्दलगायतका विरोध कार्यक्रम सञ्चालन गर्दै आएको थियो । खम्बुवान राष्ट्रिय मुक्तिमोर्चाको बैठक भने अहिले जारी रहेको थाहाभएको छ ।
शान्ति तथा पुनःनिर्माण मन्त्री एवम् सरकारी वार्ता टोलीका संयोजक रामचन्द्र पौडेलले हिजो पत्र पठाई वार्ताका लागि गर्नुभएको आमन्त्रणलाई सकारात्मकरूपमा लिई वार्ता टोली गठन गरिएको परिषद्ले जनाएको छ ।
संविधानसभा निर्वाचनको मिति नजिकिंदै आएकोले वार्ता छिटै हुने सम्भावना रहेको पनि केन्द्रीय सदस्य खजुमले बताउनुभयो ।
2007-08-10
No comments:
Post a Comment